Osasun integrazioa

Osasun Sailaren eta Osakidetzaren Ildo Estrategikoak, Euskadiko Arreta Integratuko Plana eta baita nazioarteko hainbat eredu ere, Arreta Integratuko Estrategia tartean, OMEan zentratua, agerian uzten dute arretaren jarraitutasuna bermatzeko arreta integratuko estrategiaren garrantzia, eta gaixoa jartzen dute sistemaren erdigunean.

BIOEFek arreta integratuarekin lotutako jarduera nagusietako batzuetan eskaintzen du bere laguntza.

Ebaluaziorako tresnak

BIOEFek osasun integrazioa ere bultzatzen du eta, oro har, osasun sistemaren eraldaketa bultzatzen du, ebaluaziorako tresnen bitartez.

• IEXPAC, Paziente Kronikoaren Esperientzia Ebaluatzeko Tresna. BIOEF, Osakidetzarekin eta beste hainbat erakundeko profesionalekin batera, gaixotasun kronikoa duten pertsonek osasun eta gizarte-zerbitzu eta profesionalekin izan duten esperientzia baloratzeko eskala bat sortu du.
• IEMAC, Kronikotasunari Arreta emateko Ereduak Ebaluatzeko Tresna. BIOEFeko profesionalek, Osakidetzakoek eta beste hainbat erakundetakoek, IEMAC/ARCHO garatu dute, osasun eta gizarte-erakundeek kronikotasuna kudeatzeko ereduen inplementazio-mailaren inguruan euren burua ebaluatzeko tresna. CCMan dago oinarrituta (Chronic Care Model), eta nazioko osasun sistema ingurunean erabiltzeko izan da diseinatuta bereziki. Hari esker, erakundeen ebaluazioa hiru mailatan egiten da: makroa (politikak eta estrategiak planteatzea eta baliabideak esleitzea), mesoa (erakundeen, arreta-zentroen eta laguntza-programen kudeaketa) eta mikroa (jarduera klinikoa profesionalen eta pazienteen artean).
• D’Amour galdekizuna. BIOEFek eta Osasun Sailaren artean garatutako galdekizun honek arreta arlo desberdinetako profesionalen arteko lankidetza-maila neurtzea du helburu. Sailaren ebaluazio-sistemaren barruan sartzen da Programa Kontratuaren bitartez, eta, ondorioz, Zerbitzu-erakundeek adierazle horren urteko balioa izango dute eta Lehen Mailako Arretako eta Espezializatuko profesionalen arteko integrazioa erraztu ahal izango dute.