Ezinbestekoa da zure ekarpena.
Ikerketa eta berrikuntzan inbertitzeak gaixotasunen arrazoiak, etorkizuna eta tratamendua ezagutzean inbertitzea esan nahi du, diagnosia egiteko sistema berrietan -zehatzagoak, goiztiarrak eta ez inbaditzaileak- ezagutzean, terapia berrietan, zaintza hobeetan, pertsonen beharrei hobeto egokitutako osasun zerbitzuetan, alegia.
Edonork edo edozein erakundek egin dezake bere ekarpena, bakoitzak ekarritakoak batuta esfortzu handiagoa egiteko gai izango baikara.
Zein ondorio izan ditzake zure ekarpenak?
Osasun arloko ikerketan eta berrikuntzan aurrera egiten jarraitu nahi baldin baduzu, hainbat modu dituzu.
Proiektuak eta jarduerak finantzatzen laguntzeko
Osasun arloan ikertzearen eta haren finantzazioaren erronkak erakunde publikoen konpromiso irmoa behar du, eta baita gizartearen esku-hartzea ere, gaixoei lagunduko dieten aurrera-pausuak ahalik eta bizkorren egiteko.
Nola eman ditzaket ikerketarako funtsak? BIOEFek hainbat bide jartzen dizkizu eskura:
- Dohaintza anonimoa, Fundazioko Ikerketa Biomedikoari Laguntzeko Programak finantzatzeko.
- Fundazioko Ikerketa Biomedikoari Laguntzeko Programak finantzatzeko dohaintza egin duzunaren agiriarekin egindako dohaintza.
- Euskal Osasun Sistemaren zentroetako batean burutuko den ikerketako proiektu zehatz bat finantzatzeko dohaintza-akordioa.
- Lankidetza-akordioak Fundazioaren interes orokorreko jarduerak edo, interes orokorreko jardueren barruan, proiektu zehatz bat finantzatzeko.
Dokumentu honetan ikus ditzakezu aukera horien xehetasunak.
Kontuan izan emailearentzat (pertsona edo erakundea), I+G jarduerentzako dirua emateak abantaila fiskalak dakartzala.
Zerga-informazioa: 2006rako Estatuko Aurrekontu Orokorren Legeak ikerketa zientifikoa eta garapen teknologikoa sustatzeko Xedapen Osagarriak hartzen ditu. Sozietate-zergaren Legearen testu bateginaren 35. art. arabera, martxoaren 5eko 4/2004ko Lege Errege Dekretuak onetsia (martxoaren 11ko EAO), ikerketa eta garapen jarduerengatik deduzitu daiteke zergetan.
Gehiago jakiteko, zure galderei erantzuna emateko, iradokizunak jasotzeko, jarri gurekin harremanetan:
Laura Sánchez Bas
E-posta: laura@bioef.eus
Tel: 94 453 61 44
Egin zure ekarpena banku-transferentzia bitartez:
Caixabank: ES04 2100 8686 8102 0004 5619
Laboral Kutxa: ES56 3035 0450 15 4500005802
Kutxabank: ES86 2095 0611 00 9120154296
Titulartasuna: Berrikuntza + Ikerketa + Osasuna Euskal Fundazioa (BIOEF), Gaixotasun Kardiobaskularren ikertzeko emandako dirua jasoko duen erakunde publikoa.
Beste aukera bat:
Bizum – dohaintza solidarioa (33478)
Online:
Dohaintza online
Mesedez, ekarpena egitean, idatzi zure izen-abizenak, NAN zenbakia eta zein probintzia/lurralde duzun bizileku, 182 eredua (jasotako dohaintzena) bete eta Pertsona Fisikoen Errentaren gaineko Zergarako agiria egin ahal izateko.
Ekarpena egiteko unean egin ezean, 2023eko urtarrilaren 15a baino lehen egin, mesedez, admon@bioef.eus helbidera idatzita, garaiz egin ahal izateko (2023ko ekarpenei dagokien ziurtagiria 2022eko urtarrila bukatu baino lehen egin behar da).
Hasieratik, BIOEFek EiTB Maratoriarekin egiten du lan, telebista publikoak urtero antolatzen duen gaixotasun baten edo gaixotasun-multzo baten inguruan sentsibilizatu eta ikerketarako dirua biltzeko kanpaina, alegia.
Lortutako diruarekin, BIOEFek urtean behin ateratzen du ikerketa-proiektuak finantzatzeko laguntzen deialdia. Kanpoko agentzia ofizial batek ebaluatuko ditu eskakizunak eta hark hautatuko ditu onenak.
Gizartearen elkartasunari esker, orain arte 8,56 milioi euro bideratu dira minbiziaren, gaixotasun kardiobaskularren, Alzheimerraren, autismoaren, desgaitasun intelektualen, gaixotasun mentalen, hartutako kalte zerebralen, transplanteen eta gaixotasun arraroen inguruko 127 ikerketa-proiektuentzako, besteak beste.
BIOEFek EiTBk abenduan egiten duen EiTB Maratoian parte hartzera gonbidatzen zaitu. Adi egon!
Proiektuen azken deialdia kontsultatu nahi baduzu, sartu hurrengo esteka honetan
Ikerketa eta garapen proiektuak burutzen laguntzeko
Nahi duen orok har dezake parte ikerketa biomedikoko jardueretan. Honela lagun dezakezu:
Lagin biologikoak eman Euskal Biobankuari.
Gaixotasunen prozesua ulertzeko edo diagnosirako tresna berriak aurkitzeko lagungarriak izan daitezkeen ikerketa-proiektuak egiteko edo tratamenduak aurkitzeko ikerketa-proiektuak egin ahal izateko gaixoen eta emaile osasuntsuen lagin biologiko ugari behar izaten dira.
Euskal Biobankuak lagin horiek bildu eta gordetzen ditu, eta nazioko zein nazioarteko komunitate zientifikoaren eskura jartzen ditu, ikerketa xedearekin erabil ditzaten. Laginak emateko gaixoaren edo emailearen baimen informatua behar da, non lagina nola eta zertarako erabiliko den azalduko den. Laginen dohaintza anonimoa izaten da.
Ikerketarako laginak eman nahi baldin badituzu, jar zaitez harremanetan Euskal Biobankuarekin. Han azalduko dizkizute zein diren prozedurak, biobancovasco@bioef.eus helbidean edo hemen:
Leire Sánchez
Tfnoa.: 944536890
Biobankuaren funtzionamenduaren inguruko informazio gehiago nahi baldin baduzu, bisitatu www.biobancovasco.org.
Ikerketa klinikoetan parte hartzea.
Sendagai eta tratamendu berrien garapena arauez betetako prozesua da, zorrotza, eta goi-mailako kalitate-betekizunak dituena. Lehenengo etapak gaindituta (aurreklinikoak), garapen berriak pertsonekin probatu behar izaten dira, baldintza kontrolatuko ikerketa klinikoetan.
Ikerketak mota askotarikoak izan daitezke, baina pertsona osasuntsuak eta gaixoak behar dituzte. Prozedurari buruz gehiago jakin nahi baldin baduzu, eta ikerketaren batean parte hartzeko aukerari buruz ere, galdetu zure sendagile espezialistari, osasun zentroan, edo BIOEFi, honen bitartez:
Begoña Vadillo
E-posta: bvadillo@bioef.eus
Tfnoa.: 94 453 69 39
Gaixoen eta haien senideen, osasun profesionalen eta ikerketa taldeen izenean, zure jakin-mina eta osasun-ikerketei laguntzeko zure eskuzabaltasuna eskertu nahi dizu BIOEFek.