Ikerketa goiztiarretik hasita osasun sisteman irtenbide bat barneratzera arte, edo pertsonek hura zuzenean erabili arte, kudeaketa zehatza behar duen hainbat etapako prozesua da berrikuntza.
Osasun sistemarako, balorizazioak eta jakintzaren eta teknologiaren transferentziak haren jasangarritasunean eta gaixoen onurarako lagungarria da, beharren bati erantzun hobea eskaintzen duten soluzio berriak erabiltzen dituztelako. Eta enpresa-sektorerako, negozio eta hazkuntza aukera berriak dakartza.
Euskal Osasun Sistema Publikoak berrikuntza kudeatzeko eredu berria barneratu du, bere profesionalen sormenak ahalik eta eragin handiena izatea lortzeko xedearekin.
BIOEF osasun sistemako profesionalei euren ideiak edo garatzeko ahalmena duten urte askotako ikerketa-lanen emaitzak berrikuntza bihurtzen laguntzen die. Prozesu osoa hartzen duen Baliosasun programa kudeatzen du Fundazioak.
BIOEFek orientazioa, aholkua eta laguntza eskaintzen du prozesu edo balio-kate osoan zehar:
- Berrikuntzen garapenaren inguruko eta berrikuntzaren kudeaketa-ereduaren inguruko aholkularitza orokorra.
- Laguntza logistikoa: beharren identifikazio-prozesuen kudeaketa, ideiak sortzea, expertise-aren identifikazioa eta proiektu bati laguntzeko edo hura burutzeko beharrezkoak diren elkarlanak identifikatzea, edo haiek finantzatzeko iturriak identifikatzea eta osasun sistemaren ebaluazioa eta inplementazioa, besteak beste. Enpresetako kontaktuekin eta negozio-garapenerako entitateekin harremanetan jartzeko eta I+G+b arloko emaitzen transferentzia egiteko laguntza ere eskaintzen du, proiektuaren beharren arabera.
- Jabetza intelektualarekin eta industrialarekin lotutako alderdi guztien kudeaketa, lehenengo etapetatik hasi eta teknikaren egoeraren azterketa, patenteak egiteko aukeren analisia, patenteen eskaera eta eskubideak babesteko beste mekanismoena barne. BIOEF da Ikerketaren Emaitzak Transferitzeko Bulegoaren bitartez (IETB) ataza hori betetzen duen entitatea, bakarra osasun sistema publikoan.
BIOEFeren IETBak Eusko Jaurlaritzaren Herri Administrazioko Sailaren Ondare eta Kontratazio Zuzendaritzaren eta BIOEFeren artean 2008an sinatutako akordioan oinarrituta jarduten du, zeinaren bitartez BIOEFi esleitzen zaion Osakidetza-Euskal osasun zerbitzuan jarduera ikertzaile eta berritzailearen ondoriozko jabetza intelektual eta industrialeko eskubideen kudeaketa.
Euskal Osasun Sistemak berrikuntzaren kudeaketa-eredu bat garatu du, BIOEFek koordinatutako 2014-2015 Berrikuntzarako Ekintza Plana garatu ondoren, zeinetan osasun sistemaren erakunde guztiek hartu duten parte. Besteak beste, hauxe egin da prozesuan:
- Osakidetzako zein Euskal Osasun Sistema Publikoaren gainerako zentroetako zerbitzuen erakunde bakoitzean berrikuntza-unitateak edo -erreferenteak identifikatzea.
- Berrikuntzaren kudeaketa-prozesu osoan zehar zehaztutako laneko prozedura normalizatuen inplementazioa, eta baita jardueren analisia egiteko metrika eta adierazleena ere. Hori guztia sistemaren I+G+bko kudeaketa integraleko tresnaz baliatuta.
Baliosasun programa, zeina 2016an hasi den inplementatzen, erakunde guztietan pixkanaka berrikuntzaren kudeaketarako eredu hau hedatzen lagunduko du, eta Osasun arloko Ikerketa eta Berrikuntzarako Estrategia 2020-aren 1.3. helburua betetzen du, hau da, haien ezarpena edota transferentzia sustatzen osasun sistemaren I+G+b jardueraren emaitzen balorizazioa lortzea.
Baliosasunek ideia berritzaileak eta osasun sisteman sortutako I+G emaitzak garatzeko aukera ematen du, enpresek eta beste eragileek lankidetzan garatzeko aukera emateaz gain.
Beraz, osasun arloko profesionala bazara edo Euskal Osasun Sistemaren garapenetan interesa duen agentea bazara, eta gehiago jakin nahi baduzu edo galderak egin edo iradokizunak bidali nahi badituzu, idatzi helbide honetara: baliosasun@bioef.eus
BIOEFeren Ikerketaren Emaitzak Transferitzeko Bulegoa (IETB) berrikuntzako prozesuan laguntzeko egitura da, zeinaren jardute-eremua I+G+b asmakuntza eta emaitzen babeserako eta transferitzeko estrategien diseinua eta kudeaketan oinarritzen den. 2010az geroztik, IETB Zientzia eta Teknologia Ministerioen arteko Batzordearen IETBen Erregistro Ofizialean dago erregistratua.
Hauek dira IETBren funtzio nagusiak:
- Erabili edo inplementatzeko aukerak dituzten ideia/proiektu berritzaileak hasieratik orientatzeko aholkularitza. Egungo egoeraren analisi-txostenak egiten laguntzea, besteak beste.
- I+G+b arloko emaitzen jabetza intelektual eta industrialeko eskubideak babesteko estrategia diseinatu eta kudeatzeko aholkularitza. Patentatzeko aukeren inguruko txostenak garatzea eta patente eskakizunen, eredu erabilgarrien, jabetza intelektualeko erregistroak kudeatu eta haien jarraipena ziurtatzea, besteak beste.
- Transferentzia-estrategiaren diseinua eta kudeaketarako aholkularitza, I+G+b arloko emaitzak merkataritzara zuzenduta garatzen, industriako kideen eta beste hainbat eragile garrantzitsuren bitartez. Teknologien balorizazioko txostenak, lizentzia emaileen bilaketa-txostenak, eskaintza teknologikoaren kudeaketa eta hedapena, besteak beste.
- I+G+bko emaitzak babesteko eta transferitzeko prozesuei lotutako lege-gaietan aholkularitza. Titulartasun partekatuko akordioak negoziatzeko eta kudeatzeko, merkaturatzeko lizentziak adosteko eta konfidentzialtasun akordioak lortzeko laguntza, esaterako.
Erabil daitezkeen I+G+bko hasierako garapenak Euskal Osasun Sistemaren Zorro Teknologikoan sartzen dira.
Informazio gehiago nahi izanez gero, hemen begiratu:
- IETBren jardueren memoriak.
- Osasun sistemaren zorro teknologikoa
- “Euskal Osasun Sistema Publikoak ikerketen emaitzak erabiltzeko eta haiek babesteko prozedura”.
- “I+G+bko emaitzak biltzeko fitxa”, zeina beharrezkoa den I+G+bko emaitza edo asmakizuna jakinarazteko, eta analisi- edo babes-eskaera, babes-prozesuaren lehenengo urratsa.
Gehiago jakiteko, zure galderei erantzuna emateko, iradokizunak jasotzeko, idatzi otri@bioef.eus helbidera edo jarri gurekin harremanetan:
Amaia Albandoz
E-mail: amaia@bioef.eus
Tfno.: 94 453 68 49
I+G+b jardueren ondorioz, Euskal Osasun Sistemak baditu emaitza teknologiko zehatzak (patente bidez babestuta), eta haiek garatu eta saltzea ahalbidetuko duten bazkideen bila dabil.
Begiratu zein teknologia eta garapen dituen Eskaintza Teknologikoen Katalogoan. Bakoitzak bere fitxa-laburpen informatiboa dakar.
- Método diagnóstico y pronóstico de melanoma cutáneo – Cutaneous melanoma diagnostic and prognostic method.
- Marcador pronóstico primer episodio psicótico – First-episode psychosis prognostic marker
- Kit para biopsia – Biopsy kit
- Nuevos compuestos para la regulación de la homeostasis de calcio intracelular – New compounds for the regulation of intracellular calcium homeostasis
- Biomarcador predictivo de respuesta al tratamiento de tumores del sistema nervioso central – Prognostic biomarker of response to treatment for central nervous system tumours
- Método para diagnosticar placa aterosclerótica inestable – Method for the diagnosis of unstable atherosclerotic plaque.
- Biomarcadores de cáncer colorrectal – Biomarkers for colorectal cancer
Informazio gehiago behar izanez gero, jar zaitez harremanetan eskaintza teknologikoaren fitxan adierazitako tekniko arduradunarekin, edo jarri harremanetan BIOEFeren IETBrekin, otri@bioef.eus helbidean.
